Habibi, You Cannot ‘Tnesh’ in Georgia | لا يا الحبيب ما تقدر “تنش” بجورجيا
🇬🇪✈️ لا يا الحبيب ما تقدر “تنش” بجورجيا
Habibi, You Cannot ‘Tnesh’ in Georgia
إذا كنت مسافر إلى جورجيا وتظن أنك تستطيع التدخين وتداول الحشيش بحرية كأنك في رحلة استرخاء مفتوحة، يُفضل أن تقرأ هذا الحوار بين صاحبنا (سائح عربي حافظ مش فاهم) وجيورجي (شاب جورجي فاهم اللعبة):
صاحبنا:
يا أخي، سمعت إن استهلاك الحشيش والماريجوانا في جورجيا قانوني ومسموح! يعني أقدر أعمل دماغ ورروقان وأنا بتفرج على جبال القوقاز؟ 🌿🤩
جيورجي:
هدي اللعب يا براتان! الكلام هادا نص الحقيقة والانصاص الباقية ممكن توديك في ستين داهية. وركز أبوالشباب لأنو القانون هون عامل متل الفزورة! 😅
صاحبنا:
فزورة شو؟ هو مش المحكمة الدستورية لغت العقوبة على الاستعمال الشخصي؟
جيورجي:
مزبوط! المحكمة قالت إن الاستهلاك الشخصي جوة بيتك وعلى كنبتك الخاصة “حق شخصي”. يعني لو بتدخن في مكانك الخاص، الشرطة ما راح تيجي تكسر الباب عليك وتقبض عليك عشان المادة جوة جسمك.
صاحبنا:
كتير حلو! يعني فيني برضو أشتري وألف السيجارة وأنزل أتمشى في الشارع لأنو استعمال شخصي!؟ 🚶♂️💨
جيورجي:
هلىء انت هيك بتفوت في الحيط!!! إياك تعمل هيك. البيع والشراء ممنوع وجريمة جنائية، والزراعة ممنوع وبتدخلك السجن سنوات طويلة، والتدخين في الشارع أو الأماكن العامة ممنوع وعليه غرامات وعقوبات إدارية وجنائية، وحتى الحيازة في جيبك وانت ماشي لو الشرطة فتشوك ولقو معك أي كمية في الشارع، راح تفوت في مشاكل كبيرة وقضايا!
صاحبنا:
يا حبيبي! يعني مسموح أدخن في البيت، بس ممنوع أشتري، وممنوع أزرع، وممنوع أمشي وهو في جيبي؟ لكان السيجارة من وين راح تنجاب؟ بالتحضير وتعاويذ الجلب؟! 🧙♂️😂
جيورجي:
ما هاي هي “المصيدة” القانونية (Catch-22). القانون بيعطيك حق الاستهلاك في السر، بس بيسكر عليك كل الطرق القانونية للحصول عليه. يكون بعلمك، الحشيش (Hashish) بالذات بيتعاملوا معاه بحزم أشد من الماريجوانا العادية لأن نسبة التركيز فيه عالية جدًا، وأي وزن صغير منه بينحسب عليك كمية كبيرة فورًا!
صاحبنا:
طيب و شو يعني؟ وقعنا في الفخ؟ و الحل يا جيورجي؟
جيورجي:
الحل إنك تجيب قهوة جورجية مظبوطة، وتطلب صحن “خينكالي” سخن، وتستمتع بالطبيعة والأكل والجو من غير ما تدخل نفسك في سين وجيم مع الشرطة. جورجيا بلد حلوة كتير، بس قضايا المخدرات هون ما فيها مزح سواء للمواطن أو السائح! 🥟☕🏔️
💡 خلاصة للسياح
🚫 لا تشتري ولا تحمل أي مواد مخدرة أو حشيش معك في الشارع أو المطار.
🚫 لا تدخن في أي مكان عام أو حول المنشآت والسياح.
⚖️ القوانين الجورجية صارمة جدًا فيما يخص الحيازة والاتجار والتوزيع.
